PAHANUMDUM LANG
(by Gina Lisa Ramos)

Madinalag-on nga district elections
 

Lima ka opisyales sang NEMPCO (NOCECO Employees Multipurpose Cooperative) nga sanday Julia Abadiano, Juddie Medecilo, Luis Elleco, Fred Jaloro kag ang inyo alagad ang nagkadto sa Dalipe, San Jose, Antique sa pagtambong sang WVUC (Western Visayas Union of Cooperatives) conference and geneal assembly meeting sadtong Agosto 20 kag 30. Ang guest speaker amo si Dr. Orlando J. Sacay, director general sang National Anti-Poverty Commission (NAPCI). Madamo nga mga proyekto ang gin-presentar sanf NAPCI nga mahimo ma-implementar sang mga kooperatiba.

On our way to Iloilo, excited gid ang mga grupo nga mga lunsay first timers sa Antique. Sa coastal area nag-agi ang amon bus pakadto sa Antique kag nalingaw gid kami sang mga matahom nga "sceneries" sa dalanon. Ato gid mapabugal ang katahom sang aton mga baybayon kag kabukiran dapat gid amligan kay indi lang ini nagahatag sang katahom sa aton pungsod kundi ginakuhaan man naton sang aton pangabuhi-an.

Sang Septeiembre 7, naghiwat sang district election ang NOCECO sa Sipalay kag Hinoba-an kag subong man sa La Carlota/La Castellana, Hinigaran kag Moises Padilla/Isabela. Malinong kag matawhay ang amo nga mga elections. Ang masami nga problema sa sini nga mga elections amo ang indi husto nga address ukon wrong spelling ang mga ngalan. May ara man wala ngalan sa masterlist kag konsumidor apang indi miembr sang NOCECO. Maayoman kay paagi sa sini nga mga reklamo, na corehiran namon ang masterlist of voters.

Congratulations sa mga bag-o napilian nga mga miembro sang board of directors sang NOCECO nga sanday Dirs. Joaquin Bilbao, Dag Pandan kag Raul Millan.

Sa mga katapu-consumidor nga maluyag ma-apply for change of address ukong change of name, magkadto lang sa talaapan sang NOCECO nga malapit sa inyo.